Menu

Laxabitar undir blómkálsostaþaki

Frábær fiskréttur á köldum haust- og vetrardögum en að sjálfsögðu má njóta hans allan ársins hring. Þessi réttur gleður bæði börn og fullorðna!

Innihald

4 skammtar
blómkál, bara blómhnapparnir
rifinn parmesanostur
rifinn Mozzarellaostur frá Gott í matinn
púrrulaukur, skorinn í strimla
ólífuolía
lax, án roðs, skorinn í 3 cm bita
sjávarsalt og svartur pipar
rjómi frá Gott í matinn
ferskt saxað dill eftir smekk, til skrauts (má sleppa)

Skref1

  • Sjóðið blómkálið þar til meyrt.
  • Stillið ofninn á 220°.
  • Maukið blómkálið með töfrasprota eða setjið í matvinnsluvél.
  • Setjið parmesanostinn og helminginn af mozzarellaostinum saman við og hrærið saman.
  • Saltið örlítið og piprið.

Skref2

  • Takið fram eldfast form og raðið púrrulauksneiðunum þar á.
  • Dreipið ólífuolíunni yfir laukinn.
  • Saltið og piprið laxabitana og raðið þeim síðan ofan á laukinn.
  • Hellið rjómanum yfir.
  • Dreifið blómkálsmaukinu þar ofan á og toppið síðan með restinni af rifna mozzarellaostinum.

Skref3

  • Bakið í 20 mínútur.
  • Látið standa í 10 mínútur áður en borið fram.

Höfundur: Erna Sverrisdóttir