- +

Toblerone súkkulaðiterta

Innihald, 2 botnar:
2 bollar sykur
1¾ bollar hveiti
¾ bolli kakó
1½ tsk. lyftiduft
1½ tsk. matarsódi
1 tsk. salt
2 stk. egg
1 bolli mjólk
½ bolli matarolía (ekki nota olífuolíu)
1 msk. vanilludropar
1 bolli sjóðandi vatn

Innihald, smjörkrem:
500 g smjör við stofuhita
1 msk. mjólk
1 msk. vanilludropar
1 tsk. salt
750 g flórsykur
150 g Toblerone
100 g Toblerone til skrauts

Aðferð:

Þessi uppskrift miðast við tvo botna, en það er auðvelt að stækka uppskriftina og gera eina og hálfa eða tvöfalda uppskrift eftir því hvert tilefnið er. Botnarnir á meðfylgjandi mynd eru gerðir úr einni og hálfri uppskrift svo kakan verði stærri og hærri.

 

Súkkulaðiterta, aðferð:

Hitið ofninn í 180°.

Öllum þurrefnunum er blandað saman í hrærivélarskál, næst fer mjólkin, eggin, olía og vanilludroparnir og hrært vel. Í lokinn er sjóðandi vatninu brætt saman við og hrært varlega.

Deigið er sett í tvö vel smurð form og inn í ofn í 25-30 mínútur.

Þegar botnarnir koma út er gott að láta þá standa í formunum í 20 mínútur áður en kakan er tekin úr og hún látin kólna alveg áður en kremið er sett á.

 

Toblerone smjörkrem, aðferð:

Smjörið, flórsykri, salti, vanilludropum og mjólk er hrært saman í hrærivélinni þar til kremið er orðið mjúkt og kekkjalaust.

Toblerone súkkulaðið er brætt yfir vatnsbaði eða í örbylgjuofni. Súkkulaðið á ekki að sjóða bara rétt að bráðna og því er síðan hellt út í kremið og þeytt vel.

Kremið er borið á kökuna en ég nota sprautupoka svo að kremið verði jafnara milli botnanna.

Kökuna er hægt að skreyta að vild með mulnu Toblerone og hægt að leika sér með kremið.

 

Höfundur: Gígja S. Guðjónsdóttir