- +

Sykurlausar karamellur

Karamella með pistasíu:
90 g smjör
5 msk. Sukrin gold
5 dl rjómi frá Gott í matinn
2 dl pistasíur

Karamella með hnetusmjöri:
50 g smjör
1 dl rjómi frá Gott í matinn
1 msk. Sukrin gold
1 tsk. vanilludropar
1 msk. hnetusmjör

Mjúk karamella:
150 ml rjómi frá Gott í matinn
3 msk. Fibersirup gold
2 msk. ósykrað kakó
Ögn af salti

Aðferð:

Pistasíu karamella:

 

Allt nema hnetur sett í pott og látið malla á lægsta hita í um 30 mínútur. Passa að hræra ekki of mikið. Rétt að hræra á tíu mínútna fresti. Saxa niður hnetur og setja í blönduna þegar hún er orðin þykk. Hrært saman og sett í form og í frysti í nokkra klukkutíma. Skorið í bita og geymt í ísskáp.

 

Karamella með hnetusmjöri:

 

Smjör, rjómi, sukrin og vanilludropar sett í pott og hrært í.
Þegar suðan kemur upp þá er stillt á lágan hita og leyft að malla í um 20-30 mínútur. Hræra á 10 mínútna fresti. Alls ekki hræra of mikið því þá skilur blandan sig. Einnig þarf að passa að ekki brenni við.

Þegar blandan er orðin þykk og búin að malla á lágum hita í 20-30 mínútur er hnetusmjöri bætt út í. Við það þynnist blandan aðeins. Sett í sílíkon form og inn í frysti í 3 klst. Þegar tekið er úr frysti er karamellan skorin niður í bita og geymd í ísskáp.

Hægt er að sleppa hnetusmjörinu og hafa karamelluna „hreina.”

Auðvelt er einnig að setja t.d. 1 msk. af kakói, piparmyntudropa eða jafnvel 1 tsk. af lakkrísdufti til að prófa sig áfram.

 

Mjúk karamella:

 

Setjið rjóma, Fibersirup Gold og kakó í pott og látið koma upp suðu. 

Látið malla og hrærið reglulega í þar til karamellan er búin að sjóða niður og farin að þykkjast.

Bætið við smá salti.

Setjið í skál og látið kólna.

Eins er með þessa uppskrift, hægt að skipta út kakói fyrir hnetusmjöri eða lakkrísdufti. Einnig hentar þessi uppskrift til að setja ofan á kökur.

Höfundur: Hafdís P. Magnúsdóttir