- +

Súkkulaði bollakökur með sykurpúðum

Bollakökur:
156 g hveiti
120 g smjör við stofuhita
280 g sykur
2 stk. egg
2 tsk. vanilludropar
180 ml mjólk
60 g dökkt kakó
½ tsk. matarsódi
¼ tsk. salt

Súkkulaði rjómaostakrem:
60 g smjör, við stofuhita
250 g rjómaostur frá Gott í matinn, við stofuhita
500 g flórsykur
1 tsk. vanilludropar (1-2 tsk.)
200 g bráðið súkkulaði
1 msk. dökkt kakó

Skraut:
100 g suðusúkkulaði
40 g smjör
Litlir sykurpúðar
Pekanhnetur

Aðferð:

Undirbúningstími 25 mínútur, bökunartími 20 mínútur.

Bollakökur:
1. Stilltu ofninn á 180°C hita og raðaðu um 20 stykkjum af bollakökuformum á ofnplötu
2. Blandaðu saman hveiti, matarsóda og salti í skál og settu til hliðar.
3. Hrærðu smjörið þangað til það er orðið mjúkt bættu svo sykrinum saman við og hrærðu á meðalhraða saman. Bættu eggjunum saman við einu í einu og hrærðu vel saman.
4. Blandaðu vanilludropunum og mjólkinni saman í bolla.
5. Blandaðu hveitiblöndunni og mjólkurblöndunni saman við til skiptis smá og smá í einu og hrærðu vel á milli. Skafðu skálina vel að innan og hrærðu örlítið lengur til þess að blanda öllu vel saman.
6. Bættu kakóinu saman við og hrærðu vel saman á lágum hraða.
7. Settu deigið í bollakökuformi og reyndu að fylla þau ekki meira en 2/3. Bakið í um 20 mínútur.
8. Kældu kökurnar alveg áður en þú setur kremið á.

 

Súkkulaði rjómaostakrem:
1. Hrærðu smjörið og rjómaostinn saman þangað til blandan verður mjúk.
2. Bættu flórsykrinum saman við jafnt og þétt og hrærðu vel á milli. Bættu við vanilludropunum.
3. Blandaðu saman við brædda súkkulaðinu og kakóinu og hrærðu vel. Skafðu hliðar skálarinnar vel og hrærðu í um 2 mínútur.
4. Sprautaðu kreminu á kældar kökurnar, skreyttu með litlum sykurpúðum, bræddu saman suðusúkkulaði og smjöri saman og heltu yfir sykurpúðana, skreyttu með skornum pekanhnetum.

Höfundur: Thelma Þorbergsdóttir