Súkkulaði bollakökur með súkkulaðismjörkremi

Súkkulaði bollakökur, aðferð

• Hitið ofninn í 180°C.
• Sigtið saman hveiti, sykur, kakó, salt og matarsóda og leggið til hliðar.
• Þeytið saman egg, olíu, vatn og vanilludropa þar til það verður létt í sér.
• Bætið þurrefnunum rólega saman við og skafið vel niður á milli.
• Skiptið niður í um 20 bollakökuform og bakið við 180 gráður í 15-18 mínútur.

Súkkulaðismjörkrem, aðferð

• Setjið öll hráefnin nema flórsykur og kakó í hrærivélarskálina og hrærið vel saman.
• Blandið flórsykri og kakó saman og bætið varlega útí blönduna, skafið niður á milli og hrærið þar til kremið er slétt og fellt.
• Notið stút 1M frá Wilton (líka hægt að nota 2D) og sprautið í spíral upp kökuna, skreytið svo með kökuskrauti og einu risa Nóa kroppi á toppnum.

Höfundur: Berglind Hreiðarsdóttir