- +

Súkkulaði bollakökur með marskremi

Bollakökur:
240 g sykur
100 g smjör
2 stk. egg
120 ml Nýmjólk
120 ml Kókómjólk
2 tsk. vanilludropar
200 g hveiti
40 g kakó
1½ tsk. lyftiduft
100 g súkkulaðidropar (100-150g)

Krem:
250 g smjör
500 g flórsykur
4 msk. kakó
2 stk. Mars, brædd með 2 msk. rjóma
1 tsk. vanilludropar
½ dl rjómi frá Gott í matinn

Aðferð:

Uppskrift fyrir um 24 bollakökur

 

Smjör og sykur er hrært vel saman og eggjunum síðan blandað saman við. 

Hveiti, lyftiduft og kakó blandað saman og hrært vel saman við.

Kókómjólk, mjólk og vanilludropum er hellt saman við.

Súkkulaðidropum er blandað varlega saman við í restina. 

Bollakökudeigið er sett í form og síðan bakað við 170 °C hita í um 20-25 mínútur. 

Kremið er búið til meðan bollakökurnar eru að bakast og kólna að loknum bakstri. 

Mars súkkulaðistykkin eru brædd í örbylgjuofni ásamt 2 msk. rjóma. Hrært vel saman og leyft að kólna örlítið.

Öllum hráefnum nema rjómanum er síðan blandað saman í hrærivélaskál og þeytt vel.  Rjómanum og mars súkkulaðinu er blandað saman við í lokinn og hrært varlega saman við. 

Bollakökurnar eru skreyttar með kreminu.  Stjörnustúturinn 1M er notaður til að búa til rósir og sykurmassaskraut sett á hverja rós.

Höfundur: Hjördís Dögg Grímarsdóttir