- +

Sítrónukaka með glassúr

Sítrónukaka:
230 g smjör við stofuhita
400 g sykur
4 stk. egg
40 g sítrónubörkur (af um 2 meðalstórum sítrónum)
370 g hveiti
½ tsk. matarsódi
½ tsk. lyftiduft
1 tsk. sjávarsalt
50 ml sítrónusafi (úr 1-1,5 sítrónu)
180 g grísk jógúrt frá Gott í matinn
1 tsk. vanilludropar

Sítrónuglassúr:
250 g flórsykur
3 msk. sítrónusafi (3-4 msk.)

Aðferð:

Hitið ofninn í 180 gráður og smyrjið ílangt form að innan ásamt því að setja smjörpappír í það.

Hrærið smjör og sykur saman þar til blandan verður ljós og létt. Bætið eggjum saman við, einu í senn ásamt sítrónuberki og hrærið á milli.

Blandið hveiti, lyftidufti, matarsóda og salti saman í skál og hrærið saman. Setjið gríska jógúrt, sítrónusafa og vanilludropa saman í skál og hrærið vel saman. Blandið hveitiblöndunni og jógúrtblöndunni saman við deigið til skiptis og hrærið á milli. Þegar allt hefur farið saman við deigið er gott að hræra þar til allt hefur blandast vel saman, gott er að skafa hliðar skálarinnar hér.

Setjið deigið í bökunarformið og bakið í um 60-70 mínútur eða þar til tannstöngull kemur hreinn upp úr miðju kökunnar. Látið kökuna kólna alveg áður en þið setjið glassúrinn á.

Setjið flórsykur í skál og hrærið honum saman við sítrónusafann þar til glassúrinn er orðið sléttur og fínn og setjið svo ofan á kökuna.

Best er að borða kökuna samdægurs en annars er mikilvægt að geyma hana á kökudisk með loki, í poka eða inni í ofni svo hún þorni ekki upp. 

Höfundur: Thelma Þorbergsdóttir