- +

Pannacotta pæ með hindberjasósu

Botn
12 stk hafrakex að eigin vali (t.d. haustkex eða digestive)
75 g brætt smjör

Pannacotta
5 dl rjómi
1 dl sykur
4 tsk gelatínduft eða 4 stk gelatínblöð
100 g hvítt súkkulaði (ef þú átt það til, ekki nauðsynlegt)

Hindberjasósa
300 g frosin hindber
1 dl flórsykur
örlítið vatn

Aðferð:

Botn:

1. Myljið kexkökurnar í matvinnsluvél í fína mylsnu en það er líka hægt að kremja þær í skál með tilheyrandi látum.

2. Bræðið smjör og hellið því saman við mylsnuna. Blandið því vel saman og leyfið kexinu að draga í sig smjörið.

3. Setjið mylsnusmjörið í bökunarform, sem er um 20-23 cm á breidd og klætt bökunarpappír (t.d. smelluform) og þrýstu því varlega út í kantana en einnig aðeins upp á brúnirnar á forminu. Þannig að þegar pannacottafyllingin fer í formið þá fer ekkert til spillis eða út fyrir.

4. Núna er gott að setja formið í kæli einhvern tíma til þess að botninn harðni. Það verður mun auðveldara að hella fyllingunni yfir botninn ef hann er kaldur.

 

Pannacotta:
1. Hellið rjómanum í pott ásamt sykrinum og láttu suðuna koma upp.

2. Ef þið ætlið að nota gelatinblöð eru þau lögð í bleyti og látin bráðna í vatnsbaði áður en þeim er hellt saman við rjómann. Ef gelatinduft er notað eru hlutföllin ein tsk af dufti á móti hverju blaði sem þú notar. 1 tsk af gelatindufti á móti 1 msk af köldu vatni er látið bólgna út smá stund og síðan er það látið bráðna í heitu vatni og hellt saman við rjómann og hrært vel.

3. Ef þið viljið hvítt súkkulaði er það sett út í heitan rjómann og látið bráðna.

4. Rjómablandan er látin kólna frekar vel áður en henni er hellt yfir kexbotninn í forminu. Setjið pæið varlega inn í kæli aftur og þar á það að kólna í allavega 4 tíma.

 

Hindberjasósa:

1. Setjið hindberin ásamt flórsykri og örlitlu af vatni í pott og látið suðuna koma upp. Það er ágætt að setja töfrasportann aðeins í sósuna til að blanda öllu vel saman.

Höfundur: Theodóra J. Sigurðardóttir Blöndal