Marengsterta með eplum og súkkulaði | gottimatinn.is
- +

Marengsterta með eplum og súkkulaði

Botnar:
6 stk. eggjahvítur
300 g sykur
1 tsk. lyftiduft
Matarlitur eftir smekk

Fylling:
½ l Rjómi frá Gott í matinn - þeyttur
2 stk. epli - brytjuð (2-3 stk.)
2 stk. Mars súkkulaði - brytjað

Aðferð:

1.Eggjavíturnar eru þeyttar vel í skál. Sykrinum blandað saman við smám saman. Blandan er þeytt þar til hún er orðin stífþeytt.

2.Lyftidufti og matarlit er blandað varlega saman við. 

3.Marengsblandan er sett í sprautupoka, notaður er 1 M stjörnustútur til að sprauta blöndunni. Búnar eru til rósir með því að byrja að sprauta í miðjunni og síðan farið í hringi.  Stjörnurnar eru sprautaðar á smjörpappír sem búið er að teikna á hring.

4.Botnarnir eru bakaðir við 130°C hita í um 1 ½ klst.

5.Mjög gott að leyfa botnunum að standa í ofninum yfir nótt.

6.Rjóminn er þeyttur, eplin og marssúkkulaðið er brytjað og blandað saman við rjómann.

7.Fyllingin er að lokum sett yfir neðri botninn. 

Njótið! 

Höfundur: Hjördís Dögg Grímarsdóttir