- +

Marengs með súkkulaðimús

Marengsbotn innihald
3 stk eggjahvítur
200 g sykur
1 tsk lyftiduft
5 dl Rice Crispies, aðeins mulið

Súkkulaðimús innihald
150 g dökkt súkkulaði
30 g smjör
3 stk egg, skilja að hvítur og rauður
1½ msk flórsykur
2½ dl rjómi

Aðferð:

Marengsbotn aðferð:
Hitið ofn í 150 gráður. Stífþeytið eggjahvítur í tandurhreinni skál. Þegar hvíturnar eru orðnar vel stífar hellið sykrinum í smá skömmtum saman við þær og hrærið á milli. Stráið lyftiduftinu yfir. Hrærið þar til hvíturnar eru mjög stífar og þéttar, í um 8-10 mínútur. Hrærið Rice Crispies-kurlinu varlega saman við með sleikju.

Notið 22 cm springform undir botninn en klæðið það að innan með bökunarpappír. Setjið marengsinn í formið, smyrjið úr honum. Bakið í 45 mínútur á blæstri og að þeim tíma loknum skal slökkt á ofninum og marengsinn látinn kólna þar.

Súkkulaðimús aðferð:
Bræðið saman súkkulaði og smjör á vægum hita og hrærið vel í á meðan. Hrærið eggjarauður þar til léttar í sér og hellið þeim saman við súkkulaðið. Hrærið blönduna vel  saman þar til hún er kekkjalaus og gljáandi.

Þeytið eggjahvítur þar til mjúkar, hellið flórsykri saman við og hrærið þar til hvíturnar eru vel stífar.

Blandið hvítunum varlega saman við súkkulaðiblönduna og hellið loks rjóma saman við. Hrærið vel en varlega þar til hráefnið hefur allt blandast vel saman.

Hellið yfir marengsinn í forminu og látið standa í ísskáp þar til músin er orðin stíf.

Skreytið með kúfi af léttþeyttum rjóma og berjum að eigin vali. 

Höfundur: Halla Bára Gestsdóttir og Gunnar Sverrisson