- +

Kókos bollakökur

Kókoskökur:
180 g sykur
60 g smjör við stofuhita
1 egg
2 tsk. vanilludropar
160 g hveiti
1 tsk. lyftiduft
¼ tsk. salt
1½ dl mjólk
40 g kókos

Súkkulaðikrem:
250 g smjör við stofuhita
500 g flórsykur
45 g dökkt kakó
50 ml rjómi frá Gott í matinn
¼ tsk. salt
2 tsk. vanilludropar

Toppur:
Súkkulaðisíróp
Kókosmjöl

Aðferð:

Kókoskökur:

Um 12 stk.

Hitið ofninn í 180 gráður og raðið bollakökuformum í bökunarmót og setjið á bökunarplötu.

Hrærið smjör og sykur saman þar til blandan verður ljós og létt.

Bætið eggi við og hrærið saman.

Blandið hveiti, kókós, lyftidufti og salti saman í skál og blandið því saman við deigið smávegis í einu ásamt mjólkinni.

Setjið vanilludropa saman við og hrærið þar til allt hefur blandast vel saman. Passið þó að hræra ekki of mikið svo kökurnar verði ekki of seigar.

Setjið deigið í bollakökuformin og bakið í 18-20 mínútur eða þar til tannstöngull kemur hreinn upp úr miðju kökunnar.

Kælið kökurnar alveg áður en þið setjið kremið á.

 
Súkkulaðikrem:

Hrærið smjörið þar til það er orðið ljóst og létt.

Bætið flórsykri saman við smátt og smátt í einu.

Setjið rjóma, salt og vanilludropa saman við og hrærið þar til kremið hefur blandast vel saman og er orðið mjúkt og slétt.

Sprautið kreminu á hverja köku fyrir sig t.d. með sprautustút 1M.

Skreytið með súkkulaðisírópi og kókós.

 

Höfundur: Thelma Þorbergsdóttir