- +

Klessusúkkulaðikaka með súkkulaðikaramellu

Súkkulaðiklessukaka:
3 stk. egg
2 dl sykur
150 g brætt smjör
2 dl hveiti
1 dl kakóduft
2 tsk. vanillusykur eða dropar
salt á hnífsoddi

Súkkulaðikaramellukrem:
1½ dl rjómi
1 dl sykur
1 msk. kakóduft
1 msk. smjör

Aðferð:

Klessusúkkulaðikaka:

 

Náðu í hringlaga form og tylltu bökunarpappír í það.

Þeyttu egg og sykur þar til það er ljóst og létt.

Bræddu smjörið í potti.

Blandaðu þurrefnunum saman, blandaðu þeim við eggjasykurblönduna og síðast bætir þú smjörinu saman við og veltir þessu öllu varlega saman.

Helltu deiginu í formið og bakaðu kökuna neðarlega í ofninum í 20-30 mínútur við 175°C.

Láttu hana kólna aðeins áður en þú stingur henni í frystinn.

Já - í frystinn með hana!

 

Súkkulaðikaramellu krem:

Settu öll hráefnin í pott og láttu suðuna koma upp. Lækkaðu hitann örlítið. Láttu kremið sjóða í smá stund, hrærðu af og til og eftir smá stund hefur myndast karamella.Taktu pottinn af hitanum og láttu karamelluna kólna. Hrærðu í henni inn á milli. Þegar karamellan er orðin þykk og fin, dreifir þú henni yfir kökuna sem er orðin ísköld í frystinum.

Kakan er enga stund að þiðna og það er alveg upplagt að geyma hana í frystinum og kippa út ef einhver skyldi kíkja óvænt í kaffi!

 

Höfundur: Theodóra J. Sigurðard. Blöndal