- +

Klessusúkkulaðikaka með kókoskremi

Klessusúkkulaðikaka:
175 g brætt smjör
3 stk. egg
4 dl sykur
1 tsk. vanillusykur eða vanilludropar
Örlítið salt
1¼ dl kakóduft
2¼ dl hveiti

Kókoskrem:
120 g smjör
2½ dl rjómi
1 dl síróp
2½ dl sykur
300 g rifinn kókos (300 - 400g)

Aðferð:

Klessusúkkulaðikaka:

 

Taktu til spring form og tylltu í það bökunarpapír.

Bræddu smjörið.

Þeyttu egg og sykur létt og ljóst.

Blandaðu smjörinu saman við.

Hrærðu saman við vanillusykur, salt, kakóduft og hveiti.

Hrærðu því varlega saman og helltu svo deiginu í formið.

Bakaðu kökuna neðarlega í rúmlega 20 mínútur við 175°C.

Gerðu kókoskremið á meðan.

 

Kókoskrem:

Bræddu smjörið, bættu svo hinum hráefnunum saman við og láttu suðuna koma upp. Hrærðu í kreminu og lækkaðu hitann. Láttu smásjóða þar til kremið hefur þykknað aðeins.

Taktu kökuna út úr ofninum eftir 20 mínútur og dreifðu kreminu varlega yfir kökuna. Smeygðu henni aftur í ofninn og bakaðu hana áfram í 10-14 mínútur. Kremið á að verða gyllt. 

Látið kólna örlítið áður en þið berið kökuna fram.

Höfundur: Theodóra J. Sigurðard. Blöndal