- +

Kladdkaka með kókosbotni

Kladdkökubotn:
100 g smjör
100 g sykurlaust súkkulaði
2 egg
1 dl rjómi frá Gott í matinn
4 msk. sukrin melis
1 msk. kakó (1-2 msk.)
1 tsk. vanilludropar

Kókosbotn:
80 ml kókosolía
100 ml kókosmjólk
110 g sukrin melis
250 g kókosmjöl

Aðferð:

Hægt er að nota venjulegt súkkulaði og skipta út Sukrin Melis fyrir flórsykur eða venjulegan sykur.

 

Kladdkökubotn:

 

Smjör og súkkulaði er sett í pott og brætt. Rjóma bætt við og blandað vel. Egg og sukrin þeytt vel saman og blandað svo við súkkulaðið. Vanilludropum bætt við. Í restina er kakói bætt við. Best að smakka hversu mikið maður vill.

Setjið deigið í 22 cm sílikon- eða springform.

Ofninn stilltur á 200 gráður og kakan bökuð í 10-12 mínútur. Hún á að vera blaut í miðjunni.

 

Kókosbotn:

 

Kókosolía og kókosmjólk eru hitaðar í potti. Takið af hellu þegar vel blandað saman. Bætið út í sukrin melis og kókos og blandið vel.

Setjið yfir kladdkökubotninn og þjappið smá til að binda saman botninn.

Setjið kökuna í frystinn í um klukkustund til að auðvelda það að taka hana úr forminu.

Bræðið 100 g af sykurlausu súkkulaði og 100 ml af rjóma í potti. Kælið smá og setjið svo yfir kökuna og skreytið með kókosmjöli. Ekki verra að bera kökuna fram með þeyttum rjóma og mjólkurglasi :)

Höfundur: Hafdís Priscilla Magnúsdóttir