- +

Kanilsnúðar Teddu

Snúðar:
100 g brætt smjör
5 dl mjólk
1½ dl sykur
1 msk. kardemommuduft (eða eftir smekk)
2 tsk. vanillusykur eða vanilludropar
2 tsk. þurrger
1½ tsk. salt
12 dl hveiti (12-14 dl)

Fylling:
200 g smjör við stofuhita
Kanilsykur

Pensling:
1 egg (slegið saman með gaffli) eða mjólk
Perlusykur

Aðferð:

Um 40 stk.

 

Byrið á að bræða smjörið.

Bætið mjólkinni saman við og látið ná 37 °C  hita (ég sting litla fingur ofan í og ef blandan er mátulega volg og ég brenni mig ekki er hún í lagi).

Blandið saman rúmlega helming af hveitinu, sykri, salti, kardemommukryddi, þurrgeri og vanillusykri í skál. Notið matvinnsluvél, hrærivél eða sleif. Ég hnoða deigin mín ávallt í höndunum – en það gera allir sem þeim þykir best.

Hellið mjólkur- og smjörblöndunni saman við og hrærið. Bætið hveiti saman við eftir þörfum og hrærið áfram. Hnoðið í deig sem er létt, mjúkt og festist ekki við hliðar skálarinnar.

Látið deigið hefast þar til það er tvöfalt að stærð á hlýjum og notalegum stað.

Kveikið á ofninum og stillið hitann á 220°C.

Hnoðið deigið aðeins eftir hefingu. Skerið það í nokkra bita eða um fjóra til fimm.

Notið kökukefli og fletjið hvern bita út í stóran ferhyrning.

Smyrjið ferhyrninginn með smjöri og stráið kanilsykri yfir hann.

Rúllið deiginu saman og skerið rúlluna í sneiðar sem eru u.þ.b. 2-3 cm þykkar.

Setjið snúðana á ofnplötu með bökunarpappír eða notið pappírsform.

Látið snúðana hefast þar til þeir eru tvöfaldir að stærð á hlýjum og notalegum stað.

Penslið snúðana með eggi sem búið er að slá saman og stráið perlusykri yfir þá.

Bakið snúðana í 8 -12 mínútur eða þar til þeir hafa stækkað verulega og eru orðnir girnilegir og gullinbrúnir á litinn.

Höfundur: Theodóra J. Sigurðard. Blöndal