- +

Kanil bollakökur

Bollakökur:
226 g smjör við stofuhita
375 g hveiti
1 msk. lyftiduft
½ tsk salt
4 stk egg
2 tsk. vanilludropar
270 ml. mjólk
200 g púðursykur
1 tsk. kanill
390 g sykur

Vanillu rjómaostakrem:
225 g rjómaostur frá Gott í matinn
125 g smjör, við stofuhita best að hafa það aðeins mjúkt
2 tsk. vanilludropar
370 g flórsykur

Púðursykursgljái:
110 g smjör
200 g púðursykur
2 tsk. kanill

Undirbúningstími 25 mínútur, bökunartími um 15-20 mínútur.

Aðferð:
7. Hitaðu ofninn í 180 gráður, raðaðu upp u.þ.b. 25 bollakökuformum á bökunarplötu.
8. Blandaðu saman hveiti, lyftidufti og salti í skál og settu til hliðar.
9. Hrærðu saman smjör og sykur þangað til blandan verður mjúk og létt, bættu eggjunum saman við, einu í einu og hrærðu vel á milli. Skafðu hliðarnar í skálinni af og til, til þess að blanda deiginu vel saman. Bættu vanilludropum saman við.
10. Blandaðu saman við hveitiblöndunni og mjólkinni smá og smá í einu og hrærðu á litlum hraða. Hrærðu vel saman.
11. Settu u.þ.b. 1 msk. af deigi í formin, 1 tsk. af kanilblöndunni, settu aðra msk. af deigi og aftur 1 tsk. af kanilblöndunni. Taktu hníf og snúðu honum í nokkra hringi í gegnum deigið,  þannig kanilblandan blandast gróflega við deigið. Bakaðu í rúmlega 15 til 20 mínútur eða þangað til kökurnar eru orðnar gullbrúnar að lit. 

Vanillu-rjómaostakrem aðferð:
(ef þú vilt hafa mikið krem gerðu þá tvöfalt)
1. Hrærðu saman rjómaostinn og smjörið þangað til blandan verður ljós og létt.
2. Bættu flórsykrinum smá og smá saman við og hrærðu vel á milli. Bættu saman við vanilludropum.
3. Sprautaðu kreminu á kældar kökur. Til skrauts er hægt að strá örlitlum kanil yfir kremið og fyrir þá sem vilja hafa kökurnar extra djúsí er gott að setja púðursykurs og kanilgljáa ofan á.

Púðursykursgljái aðferð:
Setjið smjörið, púðursykurinn og kanilinn í lítinn pott yfir meðal hita og bræðið saman, passið að láta blönduna ekki sjóða. Láttu blönduna kólna aðeins áður en þú setur á kökurnar. Settu 1 msk. á hverja köku. Best er að kæla kökurnar örlítið inn í ísskáp áður en gljáinn er settur ofan á.

Höfundur: Thelma Þorbergsdóttir