- +

Hvít súkkulaðikaka með bláberjum og límónu

Innihald:
150 g hvítt súkkulaði (150-200 g)
175 g smjör
3 stk egg
2½ dl sykur
2 dl hveiti
2 dl frosin bláber, meira eða minna (bara eftir smekk)
1 stk límóna (lime), börkurinn rifinn

Meðlæti:
þeyttur rjómi, má sleppa

Aðferð:

1. Byrjaðu á að finna til form og stilla ofninn á 175°C. Smyrðu það og notaðu annað hvort hveiti eða kókosmjöl til að dreifa í forminu, en kókosinn gefur mjög gott bragð.

2. Bræddu smjörið og taktu það af hitanum. Brjóttu súkkulaðiplöturnar og settu þær í smjörið þar sem þær fá að bráðna rólega. Hrærðu þeim saman við smjörið.

3. Þeyttu egg og sykur þar til ljóst og létt. Hrærðu hveitinu saman við ásamt límónuberkinum og síðast hellir þú smjör- og súkkulaðiblöndunni út í deigið og blandar því vel.

4. Helltu deiginu í formið og raðaðu bláberjunum yfir.

5. Bakaðu kökuna neðarlega í ofninum í 25-30 mínútur. Láttu hana standa aðeins áður en þú berð hana fram. Hún er líka ljómandi góð daginn eftir og þá er hún líka búin að taka sig vel.

Höfundur: Theodóra J. Sigurðardóttir Blöndal