- +

Formkaka með stökkum súkkulaðitoppi

Kaka innihald
110 g mjúkt smjör
¾ b strásykur
1½ tsk tsk vanillu- eða möndludropar
2 stk egg
1½ b hveiti
¾ tsk lyftiduft
¼ tsk natron
¾ b súrmjólk eða sýrður rjómi, má líka nota mjólk
¾ b súkkulaðibitar, dropar

Toppur innihald
¾ b hveiti
¾ b púðursykur
¾ b kalt smjör
súkkulaðidropar tli að setja ofan á kökuna

Aðferð:

Kaka aðferð:
Hitið ofn í 180 gráður. Hrærið saman smjör og sykur þar til létt og ljóst. Bætið við eggjum og dropum og hrærið áfram þar til úr verður mjúk blanda. Stráið þurrefnum yfir og hellið súrmjólkinni eða öðrum vökva með. Hrærið vel en varlega og alls ekki lengi svo kakan verði ekki seig. Setjið súkkulaðidropana saman við og blandið vel. Setjið í smurt formkökuform eða notið bökunarpappír.

Toppur aðferð:
Myljið allt hráefnið saman í höndunum þar til úr verður gróf mylsna. Dreifið toppnum yfir deigið í forminu. Setjið smá súkkulaðidropa líka ofan á kökuna, það er mjög gott. Stingið í ofn og bakið í 45 mínútur eða þar til prjónn sem stungið er í kökuna kemur hreinn út. Kælið áður en kakan er borðuð svo gott sé að skera hana. 

Höfundur: Halla Bára Gestsdóttir og Gunnar Sverrisson