- +

Fersk límónukaka með ostakremi

Innihald
200 g sykur
200 g mjúkt smjör
4 stk egg
200 g hveiti
2 tsk lyftiduft
2 msk birkifræ
fínrifinn börkur af einni límónu
2 msk límónusafi
2½ msk nýmjólk eða rjómi

Krem
1 dl rjómi
200 g rjómaostur eða eitt box mascarponeostur
fínrifinn börkur af einni límónu
safi af einni límónu
3 msk flórsykur (3-4 msk)

Skraut
50 g hvítt súkkulaði, gjarnan með kókos, rifið

Aðferð:

Stillið ofn á 175°C. Þeytið saman smjör og sykur í hrærivél og bætið síðan eggjum saman við einu í einu og hrærið vel á milli. Bætið þurrefnum saman við og hrærið með sleif. Síðan er límónuberkinum, -safanum og rjóma bætt út í og hrært saman með sleif. Gott er að hræra hvorki of mikið né lengi.

Setjið deigið í bökunarform sem er 24 cm í þvermál. Gott er að nota sílikonform en það er ekkert verra að nota hefðbundið kökuform, þó er betra að klæða þau með bökunarpappír. Bakið kökuna í miðjum ofni í 24 mínútur.

Krem, aðferð:

Kremgerðin er ofureinföld. Þeytið rjómann og setjið til hliðar. Hrærið saman önnur hráefni og bætið loks rjómanum varlega saman við. Þegar kakan er orðin köld er kreminu smurt ofan á hana og hvítt súkkulaðið rifið yfir.

Höfundur: Erna Sverrisdóttir