- +

Dúnmjúk kókosterta með englakremi

Innihald:
175 g mjúkt smjör
2½ dl sykur
4 stk egg
1 tsk vanilludropar
3 dl hveiti
1 msk lyftiduft
sjávarsalt á hnífsoddi
⅔ dl kókosmjöl
3 msk sýrður rjómi frá Gott í matinn við stofuhita

Englakrem
2 dl sykur
3 stk eggjahvítur
2 tsk vatn

Skraut
grófar kókosflögur, eftir smekk



Aðferð:

1. Stillið ofninn á 180°.

2. Hrærið saman í hrærivél smjöri og sykri. Bætið eggjum saman við, eitt í einu, hrærið vel á milli. Setjið vanillu saman við. Hrærið.

3. Setjið þurrefnin út í með sleikju. Hrærið varlega saman en ekki of lengi. Bætið loks sýrða rjómanum saman við.

4.Setjið í 3 hringform, klædd bökunarpappír, sem eru 20 cm í þvermál. Eða eitt dýpra form með sama þvermál. Þá þarf að skipta kökubotninum í þrennt eða tvennt þegar hann hefur kólnað. Bakið í 10-15 mínútur fyrir 3 hringform en 20-25 mínútur ef notað er eitt form. Best er þó að stinga prjóni/tannstöngli í kökuna til þess að sjá hvenær hún er tilbúin.

5. Setjið sykur, eggjahvítur og vatn í glerskál sem þolir hita. Setjið skálina yfir pott með vatni. Kveikið undir og hrærið stöðugt í kreminu á meðan vatnið sýður undir á lágum hita. Þegar sykurblandan hefur náð 60° hita er hún sett í hreina hrærivélaskál. Hrærið þar til þið fáið þykkt og glansandi krem.

6. Smyrjið botnana með smá kremi og leggið saman. Þekið síðan kökuna með kremi og sáldrið kókosflögum á topp og hliðar. Berið fram með léttþeyttum rjóma og jafnvel hindberjum.

 

Berið fram með léttþeyttum rjóma og ef til vill ferskum berjum.

Höfundur: Erna Sverrisdóttir