- +

Creme brulee skyrkaka

Innihald:
1 pakki Lu bastogne kex
3 Prins Póló, stærri gerðin (3-4 stk.)
125 g brætt smjör
2 msk. olía
¼ dl léttþeyttur rjómi frá Gott í matinn
1½ stór dós Ísey skyr creme brulee (750 g)
2 tsk. vanillusykur

Aðferð:

Byrjið á að mylja Bastogne-kexið með Prins Pólo kexinu mjög smátt annað hvort í matvinnsluvél eða með því að setja það í poka og svo kremja það með t.d. kökukefli. Setjið mylsnuna í skál. Bræðið smjörið og blandið olíuna saman við smjörið. Hellið smjörið út í kexmylsnuna og blandið saman. Setjið mylsnuna í fallegt form og þrýstið mylsnunni yfir botninn og jafnvel aðeins upp með hliðunum. Látið botninn kólna í kæli.

Þeytið rjómann létt og blandið skyrinu saman við. Smakkið til með vanillusykri. Hellið skyr-rjómanum yfir botninn og setjið hann aftur inn í ísskáp. Gott er að geyma kökuna í kælinum í nokkra klukkutíma. Rétt áður en kakan er borin fram er hún skreytt með ferskum ávöxtum t.d. jarðarberjum og bláberjum. Það er auðvitað hægt að skreyta með nánast hverju sem er og að sjálfsögðu það sem hver og einn elskar mest!

Höfundur: Theodóra J. Sigurðardóttir Blöndal