- +

Coca Cola rjómaostakaka

Þurrefni:
2 bollar hveiti (250 g)
1 tsk. natron
¼ bolli kakó (30 g)
1¼ bolli sykur (150 g)

Blaut efni:
2 egg
½ bolli repju- eða sólblómaolía (1 dl)
1 tsk. vanilludropar
1 bolli Coca Cola (2,5 dl)

Í botninn:
Kókosflögur
Pekanhnetur, saxaðar
Hvítt súkkulaði, dropar eða saxað

Rjómaostakrem:
110 g smjör, brætt
220 g rjómaostur frá Gott í matinn
250 g flórsykur, sætumagn eftir smekk (250-350 g)

Aðferð:

Hitið ofn í 200 gráður.

 

Hrærið þurrefnin vel saman með gaffli í kekkjalausa þurrefnablöndu.

 

Hrærið saman blautu efnin, þeytið, þar til vökvinn hættir að skilja sig og freyðir aðeins. Hellið saman við þurrefnin og blandið vel en varlega. Ekki hræra lengi en náið úr öllum kekkjum.

 

Það smekksatriði hversu mikið skal nota af hráefnunum í botninn. Notið fallegt form eða ofnfast mót. Smyrjið það að innan með smjöri. Stráið kókos í botninn, ásamt pekanhnetum og súkkulaði. Hellið deiginu yfir.

 

Bræðið saman smjör og rjómaost. Setjið sykurinn saman við og blandið vel. Hrærið allt saman í kekkjalausa blöndu. Hellið í mjórri bunu yfir súkkulaðideigið í forminu, frá hægri til vinstri, yfir allan flötinn. Takið gaffal, stingið honum létt í deigið og hreyfið hann til og frá, með léttum hreyfingum. Allt til að rjómaostakremið myndi fallegt marmaramynstur í súkkulaðibotninn.

 

Stingið í heitan ofninn og bakið í um 25-35 mínútur. Alls ekki baka kökuna of lengi, hún á að vera frekar blaut. Fylgist vel með henni og stingið í hana. Berið fram volga eða kalda og með þeyttum rjóma.

Höfundur: Halla Bára og Gunnar