Bollakökur með eplum, hnetum og rjómaostakremi | gottimatinn.is
- +

Bollakökur með eplum, hnetum og rjómaostakremi

Bollakökur:
120 g smjör, mjúkt
3 dl púðursykur
3 stk. egg
4½ dl hveiti
2 tsk. lyftiduft
¼ tsk. kanill
1½ dl eplasafi
1 rautt epli, afhýtt, kjarnahreinsað og skorið í litla teninga
1 dl pekanhnetur, saxaðar (rúmlega)
1 dl þurrkuð trönuber, gróft söxuð (rúmlega)

Rjómaostakrem:
250 g Rjómaostur frá Gott í matinn, við stofuhita
1¼ dl púðursykur

Skraut:
Pekanhnetur
Hlynsýróp

Aðferð:
  1. Stillið ofninn á 180°
  2. Hrærið smjör og púðursykur saman í hrærivél þar til létt og ljóst. Bætið eggjum út í, eitt í einu og þeytið vel á milli.
  3. Setjið þurrefnin út í, hrærið örstutt og hellið epalsafanum saman við á meðan.
  4. Blandið eplabitum, pekanhnetum og trönuberjum út í með sleikju.
  5. Skiptið deiginu niður í möffinsform. Bakið í 15-20 mínútur eða þar til bakað í gegn. Látið kólna áður en kremið er sett á.
  6. Hrærið saman í vél rjómasosti og púðursykri þar til kremið verður mjúkt og áferðarfallegt. Smyrjið eða sprautið á möffinskökurnar. Skreytið með pekanhnetum og dreypið smá hlynsýrópi yfir.

Höfundur: Erna Sverrisdóttir