- +

Bollakökur með bláberjum og rjóma

Bollakökur:
375 g hveiti
1 msk. lyftiduft
½ tsk. salt
225 g smjör við stofuhita
390 g sykur
4 stk. egg við stofuhita
2 tsk . vanilludropar
3 msk. rifinn börkur af sítrónu
300 ml mjólk
2 bollar af ferskum eða frosnum bláberjum og nokkur til skrauts

Rjómakrem:
40 g flórsykur
½ l rjómi frá Gott í matinn

Undirbúningstími: 20 mínútur

Bökunartími: 25 mínútur

Um 30 bollakökur


Aðferð:
1. Hitaðu ofninn í 180 gráður og raðaðu upp um 30 bollakökuformum á ofnplötur.
2. Blandaðu saman hveiti, lyftidufti og salti og settu til hliðar.
3. Hrærðu saman smjör og sykur þar til blandan verður ljós og létt. Bættu eggjum saman við, einu í einu og hrærðu vel á milli. Settu vanilludropa saman við.
4. Bættu hveitiblöndunni varlega saman við ásamt mjólkinni og hrærðu vel á milli.
5. Blandaðu saman við berki af sítrónu og bláberjum og hrærðu varlega saman við með sleif.
6. Settu deigið í formin og reyndu að fylla þau ekki meira en um 2/3. Bakið í rúmlega 25 mínútur.
7. Kælið kökurnar alveg áður en rjóminn er settur ofan á. 


Rjómablanda aðferð:
Þreytið rjómann þar til hann er alveg að verða tilbúinn, bættu þá við flórsykrinum og þeytið þar til rjóminn er orðinn stífur, passið að þeyta rjómann ekki of mikið. Setjið ofan á kökurnar og skreytið með ferskum bláberjum.

Höfundur: Thelma Þorbergsdóttir