- +

Besta djöflaterta í heimi með súkkulaðikremi

Djöflatertubotnar:
220 g hveiti
180 g sykur
80 g kakó
2 tsk. lyftiduft
1 tsk. natron
1 tsk. salt
2½ dl mjólk eða rjómi frá Gott í matinn
¾ dl olía. T.d. repju-, hnetu- eða isio olía
2 egg
1 tsk. vanilludropar
2½ dl heitt kaffi

Súkkulaðikrem:
160 g suðusúkkulaði
225 g mjúkt smjör
1 eggjarauða
1 tsk. vanilludropar
150 g flórsykur
1 tsk. kaffiduft
2 tsk. heitt vatn

Djöflatertukrem Guðrúnar:
60 g kakó
½ tsk. salt
80 g mjúkt smjör
1 msk. kalt kaffi
1 tsk. vanilludropar
5 msk. rjómi frá Gott í matinn
200 g flórsykur

Djöflatertubotnar. Aðferð:

Hitið ofn í 180 gráður. Setjið öll þurrefnin í hrærivélarskál, hrærið saman á lægstu stillingu og látið þau blandast vel.

 

Bætið þá mjólk eða rjóma, olíu, eggjum, vanilludropum og kaffi saman við og hrærið vel en varlega því blandan er frekar þunn. Hellið í tvö smurð bökunarform. Kakan fer best í 23 cm formi því þá ná botnarnir meiri þykkt og kakan er veglegri og reisulegri að bera fram.

 

Setjið í ofn og bakið í 20-30 mínútur. Stingið í botnana með kökuprjóni eftir 15 mínútur og athugið hvort hann kemur hreinn út. Ef svo er þá eru botnarnir bakaðir. Gætið að því að baka þá ekki of mikið, þá verða þeir þurrari en þeir eiga að vera. Kælið áður en kremið fer á þá.

 

Þið getið valið á milli tveggja uppskrifta að súkkulaðikremi. Fyrst er það súkkulaðikrem með ekta súkkulaði sem er ef til vill aðeins sparilegra en seinni uppskriftin er að ekta gamaldags djöflatertukremi.

 
Súkkulaðikrem. Aðferð:
 

Bræðið súkkulaðið og kælið án þess að það taki að harðna. Hrærið það þá saman við mjúkt smjörið, í um 3 mínútur.

 

Setjið eggjarauðuna saman við og hrærið áfram þar til súkkulaðiblandan er glansandi og kekkjalaus. Bætið vanilludropum og flórsykri út í og hrærið rólega. Látið kaffiduftið leysast upp í heitu vatninu og hellið varlega saman við kremið. Hrærið áfram þar til kremið er mjúkt og létt.

 

Smyrjið kremi ofan á annan botninn, leggið þá hinn þar ofan á. Smyrjið kökuna vandlega með kreminu, topp og hliðar.

 

Mörgum þykir betra að kæla súkkulaðiköku eins og þessa áður en hún er borin fram. Það er alfarið ykkar ákvörðun því hún er alltaf jafn góð. Berið fram með þeyttum rjóma, ís, mascarpone-kremi, grískri jógúrt, ávöxtum, berjum … eða bara eina og sér. Hún stendur fyllilega undir því.

 

Djöflatertukrem Guðrúnar. Aðferð:

Hrærið saman þurrefnin í hærivél eða með þeytara og látið þau blandast vel. Bætið smjörinu, kalda kaffinu og vanilludropunum saman við, hrærið aðeins og bætið þá rjómanum út í. Rjóminn mýkir kremið og notið meira af honum ef kremið er stíft og óþarflega óþjált. Hrærið kremið þar til það er mjúkt og fallegt áferðar.

 

Smyrjið á kökuna og sigtið flórsykri, kakói, súkkulaðispæni eða kókos yfir upp á gamla mátann. Berið fram.

 

Höfundur: Halla Bára og Gunnar