- +

Ávaxtakaka með mangó og hvítu kremi

Hráefni
3 stk egg
2½ dl sólblómaolía
2½ dl púðursykur
3¾ dl hveiti
1½ tsk lyftiduft
1 tsk natron
2 tsk kanill
2 stk gulrætur, meðalstórar og fínt rifnar
¾ bolli valhnetur, saxaðar
1 dós niðursoðinn ananas, kurl (lítil dós eða 227 g)
1 stk mangó, skorið í sneiðar

Krem
100 g smjör
250 g rjómaostur
1 tsk vanilludropar
350 g flórsykur
1 msk sítrónusafi

Aðferð:

Hitið ofn í 180 gráður. Hrærið saman egg, olíu og sykur þar til létt og ljóst. Hrærið þurrefni saman við, þá gulrætur, hnetur og ananas. Hellið í form, 24 cm í þvermál, og bakið í um 60 mínútur. Fylgist vel með kökunni og stingið í hana prjóni til að kanna bökunarstig hennar.

Hrærið saman flórsykur, smjör, rjómaost og vanilludropa þar til mjúkt og kekkjalaust. Hellið sítrónusafa saman við og hrærið þar til kremkennt og mjúkt.

Þegar kakan hefur kólnað er hún skorin þversum svo að úr verði tveir botnar. Kremi er smurt á neðri botninn og mangósneiðum raðað ofan á. Efri botninn er lagður ofan á og afgangur af kremi smurður á hann. 

Höfundur: Halla Bára Gestsdóttir