- +

Hamborgari með kryddostum og sætri kartöflu

Hamborgari:
600 g nautahakk
1 kryddostur frá MS eftir smekk (t.d. mexíkóostur eða hvítlauksostur)
Hamborgarabrauð eftir smekk
5 Sneiðar af Gotta osti eða öðrum osti eftir smekk

Hvítlaukssósa:
100 g grísk jógúrt frá Gott í matinn
½ hvítlauksgeiri, smátt saxaður (0,5- 1 stk.)
1 tsk. paprikukrydd (1- 1,5 tsk.)

Aðferð:

Rífið niður kryddostinn með rifjárni í skál. Mér finnst gott að rífa niður með rifjárni um ¾ af ostinum, og grófsaxa restina. Blandið vel við hakkið.

Skiptið hakkinu í 5 stk. 120 g bollur. Mótið hamborgara með höndum eða notið hamborgarapressu.

Skerið niður sæta kartöflu í 10 sneiðar. Reynið að hafa sneiðarnar ekki of þykkar.

Berið hvítlauksolíu á sneiðarnar báðum megin og grillið í um 7-10 mínútur. Snúið sneiðunum reglulega.

Grillið  hamborgarana í um 2-3 mínútur á hvorri hlið. Bætið við kryddi og osti þegar búið er að snúa hamborgaranum.

 

Hvítlaukssósa:

Blandið vel saman

Setjið á hamborgarann það hráefni sem ykkur líkar best við, t.d. tómatar, laukur, paprika, egg, beikon eða hvað það er sem fær bragðlaukana til að ljóma.

 

Sætkartöflu franskar:

Skerið kartöfluna niður í franskar. Dreifið úr þeim á bökunarplötu og bakið á 140 í 35-40 mínútur. Takið þær út og setjið yfir þær olíu og krydd eftir smekk. Blandið vel saman við kartöflurnar og dreifið vel úr þeim aftur og setjið í ofninn og bakið í um 20 mínútur á 200 gráðum.

Höfundur: Hafdís Priscilla Magnúsdóttir