- +

Hakkabuff á ítalskan hátt

Hakkabuff innihald
1 kg nautahakk
15 dl matreiðslurjómi
4 sneiðar franskbrauð skorpan skorin af
100 g kotasæla
100 g mozzarella rifinn
2 stk egg
2 tsk salt
2 tsk nýmalaður svartur pipar
1 msk þurrkuð steinselja
2 tsk þurrkað oregano
2 stk saxaðir hvítlauksgeirar (2-3 stk)
Hveiti til að velta bollunum uppúr

Tómatsósa innihald:
1 stk meðalstór laukur
2 stk hvítlauksgeirar
2 msk ólífuolía
1 tsk þurrkað oregano
½ tsk chilliduft
2 ds niðursoðnir tómatar
1 msk balsamik edik
1 msk sykur

Aðferð:

Hakkabuff aðferð:

Sjóðið upp á rjómanum og tætið skorpulausu brauðsneiðarnar saman við. Hrærið vel í svo brauðið blandist vel saman við og kælið örlítið. Setjið öll hráefnin saman í skál og blandið saman við með brauðblöndunni. Hrærið allt vel saman í höndunum. Gætið að hræra ekki of mikið því þá gætu buffin orðið seig. Lagið buff  á stærð við egg  og raðið í eldfast mót.  Setjið litla kúlu af mozzarellaosti á toppinn og þrýstið í bolluna þannig að 1/3 af kúlunni standi uppúr.  Bakið við 170°C í 20-35 mínútur.


Tómatsósa aðferð:
Saxið laukinn og hvítlaukinn og gljáið í olífuolíunni. Bætið við oreganó og chillidufti ásamt niðursoðnum tómötum. Látið malla í c.a. 40 mínútur við vægan hita. Bætið í balsamic ediki og sykri og látið sjóða í 10 mínútur í viðbót. Kryddið til með salti og nýmöldum svörtum pipar.

 

Berið fram með kartöflumús og góðu salati
 

Höfundur: Klúbbur matreiðslumeistara