Chili con carne að hætti læknisins í eldhúsinu | gottimatinn.is
- +

Chili con carne að hætti læknisins í eldhúsinu

Innihald:
2 stk. laukar
4 stk. hvítlauksrif
5 cm engifer
3 stk. rauður chilipipar
Jómfrúarolía
4 tsk. chiliduft
2 tsk. broddkúmen
2 tsk. kóríander
2 stk. kanilstangir
3 stk. lárviðarlauf
1 kg lambahakk
500 g nautahakk
1 dós chipotle salsa (eða chipotle mauk)
4 dósir blandaðar baunir í dós (t.d. nýrnabaunir, svartar baunir og brúnar baunir)
1½ l kjúklingasoð
2 msk. kakóduft
Salt og pipar

Meðlæti:
Sýrður rjómi
Nachos flögur (eða tortilla)
Rifinn ostur
Ferskur kóríander

Aðferð:

Chili con carne uppskrift fyrir 4-6 og dugar í þrjár máltíðir.

Þetta er stór uppskrift en það er auðvelt að breyta henni í einfalda fyrir eina máltíð með því að deila með þremur.

 

Sneiðið laukinn, hvítlaukinn, engiferinn og chilipiparinn.

Steikið í heitri olíu í stórum potti.

Merjið kóríanderfræ og broddkúmen í mortéli og bætið út í pottinn ásamt chiliduftinu.

Næst lárviðarlauf og svo heill kanill.

Svo er að setja kjötið - og brúna það vandlega. Ekki gleyma að salta og pipra.

Bætið við niðursoðnum tómötum, kjúklingasoði og chipotle salsa eða mauki.

Setjið fullt af tabaskó út í ásamt kakói.

Það þarf að svo að sjóða kássuna niður í um sex kortér svo hún verði þykk og girnileg.

Skolið baunirnar og bætið þeim svo út í kássuna. Það þarf ekki nema 20 mínútur til að hita þær í gegn.

 

Svo er að raða þessu saman á disk með nachos flögum, ferskum kóríander, rifnum osti og sýrðum rjóma frá Gott í matinn.

 

 

Höfundur: Ragnar Freyr Ingvarsson