Sætar kartöflur fylltar með kjúklingi, sveppum, lauk og stökku beikoni

Fyrir fjóra.

Byrjið á því að stilla ofninn  á 200°C – blástur.

Skerið sætu kartöflurnar í tvennt þannig að þær séu ílangar.

Setjið bökunarpappír í ofnskúffu og leggið kartöflurnar niður (hýðið upp).

Penslið sætu kartöflurnar með ólífuolíu og stráið sjávarsalti yfir.

Setjið þær inn í ofn í 50. mínútur á meðan fyllingin er útbúin.

Skerið kjúklinginn í passlega stóra bita og steikið þar til hann hefur brúnast.

Skerið beikonið smátt og bætið saman við kjúklinginn.

Setjið saxaða sveppi og lauk út á pönnuna í lokin.

Kryddið til með salti og pipar.

Hellið 1 dl af rjóma út í fyllinguna.

Takið sætu kartöflurnar út úr ofninum og snúið þeim við.

Skafið innan úr sætu kartöflunum og setjið út í fyllinguna á pönnunni. Passið að skilja smá eftir í köntunum til þess að kartaflan rifni ekki og fyllingin leki ekki út fyrir.

Setjið núna fyllinguna ofan í hýðið og stráið muldum fetakubbi og pizzaosti yfir allt saman.

Bakið þetta áfram í ofninum þar til osturinn er orðinn fallega gylltur.