- +

Rjómapestó pasta með kjúkling

Innihald:
tagliatelle pasta (eins mikið og þarf m.v. fjölda matargesta)
1 dós sýrður rjómi (t.d. 18%)
1 krukka grænt pestó
kjúklingarbringur (miða við u.þ.b. hálfa bringu á mann)
mozzarella ostur
salt og pipar eftir smekk

Aðferð:

1. Pastað er soðið í potti

2. Á meðan er kjúklingurinn eldaður í gegn. T.d. er hægt að nota mínútugrill en það er einnig hægt að setja hann á pönnu eða í ofn.

3. Sýrði rjóminn og pestóið sett saman í skál og hrært saman. Heil dós af hvoru ætti að duga í pasta fyrir 4-5 manns. Þið vegið og metið hversu mikla sósu þið viljið hafa.

4. Mozzarella osturinn skorinn í bita

5. Þegar allt er tilbúið er þetta sett saman í skál, sósan á pastað og kjúklingnum og ostinum blandað saman við.

 

Höfundur: Gígja S. Guðjónsdóttir