- +

Parmesan kjúklingaréttur

Innihald:
4 stk. kjúklingabringur
1 stk. laukur
2 góðar lúkur ferskt spínat
800 g góð tómatasósa eða maukaðir tómatar (t.d. tvær krukkur af Hunt's traditional pasta sósu)
1 poki pizzaostur
2½ dl brauðraspur (hægt að tæta hálft baguette niður í matvinnsluvél og rista svo á ofnplötu við 180 gráður í 10 mínútur)
2 dl rifinn parmesan ostur
Ólífuolía, salt og pipar

Aðferð:

Skerið kjúklinginn niður í teninga og laukinn smátt. Hitið olíu á pönnu og steikið kjúklinginn þar til hann brúnast en er ekki eldaður í gegn. Setjið laukinn út á og steikið aðeins áfram. Dreifið spínatinu yfir og hellið svo pastasósunni yfir allt. Dreifið pizzaostinum yfir sósuna, því næst brauðraspinum og svo parmesan ostinum. Hellið örlítilli ólífuolíu yfir allt saman og bakið í ofni við 200 gráður í 15-20 mínútur eða þar til kjúklingurinn er eldaður í gegn og osturinn ofan á orðinn stökkur og gullinn. Berið fram með hvítlauksbrauði og góðu grænu salati. Eins er hægt að sjóða spagettí með réttinum.

Höfundur: Helena Gunnarsdóttir