- +

Kjúklingasalat með sólþurrkuðum tómötum, grillaðri papriku og mozzarella

Innihald:
Grillaður kjúklingur, hér má kaupa hann tilbúinn til að einfalda málið
Sólþurrkaðir tómatar, úr krukku, skornir smærra
Grilluð paprika, úr krukku, skorin smærra
Fersk basilíka, rifin niður
Klettasalat
Mozzarellaostur, rifinn niður, eða annar ostur eftir smekk
Góð ólífuolía
Salt og pipar
Parmesanostur

Athugið að hér borgar sig ekki að gefa upp mál því slíkt fer alfarið eftir smekk og tilfinningu hvers og eins. Þetta er því kannski meira hugmynd að góðri máltíð en nokkuð annað. 
 
Aðferð:
Rífið kjötið niður eða skerið í bita. Setjið í skál ásamt tómötum, papriku, basilíku, mozzarella, vænni slettu af olíu og saltið allt og piprið að ykkar smekk. Leggið klettasalatið á disk, hér má dreypa olíu yfir salatið og jafnvel smá sítrónusafa ef hann er við hendina. Kjúklingasalatið fer ofan á klettasalatið og gott er að strá parmesanosti yfir að lokum. Viti menn – frábær máltíð sem ekki bregst. 
 

Höfundur: Halla Bára og Gunnar