- +

Kjúklinga burrito með avocado og fetaosti

Innihald:
2 stk. kjúklingabringur
2 stk. lítil avocado
4 stk. tortillakökur, miðstærð
50 g fetakubbur, mulinn, 50-70 g
rifinn ostur
ferskur kóríander
cayenne pipar
sýrður rjómi með graslauk og lauk

Aðferð:

Þessi uppskrift dugar fyrir tvo fullorðna - gæti dugað fyrir þrjá matgranna.

Kjúklinga burrito uppskrift:

Kjúklingurinn er kryddaður með cayanne pipar og grillaður á mínutu grilli þar til hann hefur eldast í gegn, fínt að skera í hann til að athuga.

Á tortilluna fer sýrður rjómi, avocado, fetakubbur smátt rifinn, niðurskorinn kjúklingur, kóríander eftir smekk og í lokinn aðeins af rifnum osti áður en henni er lokað. Passið að setja aðeins í miðjuna  á tortillunni og ekki of mikið því þá gæti verið erfitt að loka henni.

Þegar vefjunni er lokað er sitthvor endinn settur saman og henni rúllað upp í gagnstæða átt.

Vefjan er sett í mínútugrillið í 2-3 mínútur og þá er hún tilbúin.

Höfundur: Gígja S. Guðjónsdóttir