- +

Fylltur kjúklingur með villisveppaosti, sveppum og eplum

Kjúklingur:
1 stk. heill kjúklingur reyna að velja stóran
2 msk. olía
1 tsk. rósmarín

Fylling:
Salt og nýmalaður svartur pipar
1 stk. rifinn villisveppaostur
2 msk. rjómaostur með svörtum pipar
100 g laukur, saxaður
100 g sveppir, saxaðir
½ stk. epli skorið í smáa bita
60 g spínat saxað
50 g ristaðar furuhnetur
1 tsk. rósmarín þurrkað

Aðferð:

Þerrið kjúklinginn vel, smyrjið með olíu og kryddið með rósmarín, salti og nýmöluðum svörtum pipar.

Blandið saman fyllingunni, hrærið vel saman og setjið 2/3 af fyllingunni inn í kjúklinginn.

Losið skinnið á kjúklingum frá og setjið restina af fyllingunni undir skinnið á kjúklingnum.

Steikið kjúklinginn við 170°C í 80-100 mínútur eða þar til kjúklingurinn er steiktur í gegn.

Berið fram með ofnbökuðum sætkartöflum og kartöflubátum.

 

Höfundur: Árni Þór Arnórsson