Kjúklingur í hvítvíns rjómasósu með sveppum, blaðlauk og spínati | gottimatinn.is
- +

Kjúklingur í hvítvíns rjómasósu með sveppum, blaðlauk og spínati

Innihald:
4 stk kjúklingabringur
2 msk smjör
salt og pipar
1 bakki sveppir, skornir í sneiðar
1 stk blaðlaukur, þunnt skorinn
2 dl hvítvín
2½ dl rjómi
1 msk kjúklingakraftur eða 1 teningur
2 lúkur ferskt spínat, eða 2-3

Aðferð:

Kljúfið kjúklingabringurnar eftir endilöngu þannig að þið fáið tvo fremur þunna bita úr hverri bringu. Kryddið með salti og pipar. Bræðið smjör á pönnu og brúnið kjúklingabringurnar vel á báðum hliðum. Takið af pönnunni og geymið á diski til hliðar. Setjið sveppina á pönnuna og steikið í stutta stund. Bætið þá blaðlauknum saman við og steikið aðeins. Hækkið hitann og hellið hvítvíninu á pönnuna, leyfið því að sjóða aðeins niður í 1-2 mínútur. Hellið þá rjómanum á pönnuna ásamt kraftinum og hleypið aftur upp suðunni. Setjið spínatið út í sósuna og leggið kjúklingabringurnar ofan á. Ausið sósunni aðeins yfir bringurnar og leyfið þessu að malla saman þar til kjúklingurinn er eldaður í gegn og sósan hefur aðeins þykknað eða í 5-10 mínútur. Gætið þess að ofelda ekki bringurnar. Smakkið til með salti og pipar.

Gott að bera fram með kartöflumús eða hrísgrjónum. 

Höfundur: Helena Gunnarsdóttir