Kjúklinga Alfredo Lasanja | gottimatinn.is
- +

Kjúklinga Alfredo Lasanja

Innihald:
4 stk. stórar kjúklingabringur
1 bakki sveppir
1 stk. stór laukur
3 stk. hvítlauksrif
200 g beikonkurl (200-250 g)
1 stk. matreiðslurjómi frá Gott í matinn
1 bolli rifinn Parmesanostur
1 bolli rifinn Mozzarellaostur frá Gott í matinn
lasanja plötur
steinseljukrydd eða fersk steinselja
salt og pipar
hvítlaukssalt

Aðferð:

Uppskrift fyrir 6
Undirbúningur um 30 mín.
Eldunartími um 25-30 mín.

 

Gott að byrja á að leggja lasanja plöturnar í volgt vatn til að mýkja þær upp

Bringurnar eru skornar þvert í gegn og steiktar á pönnu með salti og pipar þar til þær eru eldaðar í gegn. Þá eru þær settar til hliðar.

Sveppir, laukur, hvítlaukur og beikon steikt á pönnu með hvítlaukssalti og pipar þar til það hefur brúnast. Þá er matreiðslurjómanum hellt út í og suðan látin koma upp. Þá fer rifinn parmesan ostur og matskeið af steinseljukryddi sett út í og látið malla í nokkrar mínútur.

Í eldfast mót fer svo: rjómablandan - lasanja plötur - kjúklingur - mozzarella ostur. Þetta er endurtekið tvisvar og endað með mozzarella ostinum og smá steinseljukryddi.

Bakið í ofni í 20-25 mínútur eða í þann tíma sem lasanja-plöturnar þurfa til að verða mjúkar.

Borið fram með hvítlauksbrauði eða því sem ykkur finnst gott.

 

Höfundur: Gígja S. Guðjónsdóttir