Kjötbollur í rjóma-tómatsósu með spagettí | gottimatinn.is
- +

Kjötbollur í rjóma-tómatsósu með spagettí

Innihald:
2 stk hvítar formbrauðsneiðar
¾ dl matreiðslurjómi eða rjómi
500 g nautahakk
fínrifinn börkur af einni sítrónu
4 msk parmesanostur
1 msk þurrkað óreganó
½ msk sjávarsalt
½ tsk svartur pipar
ólífuolía og smjör

Sósa:
1 stk laukur, fínsaxaður
2 stk hvítlauksrif, marin
½ stk kjúklingakraftsteningur, mulinn
8 dl tómatpassata
2½ dl matreiðslurjómi eða rjómi
4 msk tómatpúrra
handfylli af ferskri basilíku, gróft söxuð
sjávarsalt og svartur pipar
500 g spagetti


Aðferð:

1. Setjið formbrauðsneiðarnar í stóra skál og hellið rjómanum yfir. Látið þær sjúga vökvann í sig.

2. Setjið hakk, sítrónubörk, óreganó, parmesanost, salt og pipar saman við. Blandið saman með höndunum. Mótið kjötbollur með höndunum. Stærð fer eftir smekk. Mér finnst best að hafa þær á stærð við borðtenniskúlur.

3. Hitið smá olíu og smjör á pönnu og steikið bollurnar í skömmtum. Geymið. Setjið smá meiri olíu og smjör á pönnuna og mýkið laukana í u.þ.b. 5 mínútur. Setjið kjúklingakraftsteninginn saman við. Hellið tómatpassata, rjóma, tómatpúrru og basilíku út á pönnuna. Hrærið og látið sjóða í 2 mínútur. Smakkið til með salti og pipar. Setjið loks bollurnar út í sósuna og látið malla á vægum hita undir loki í 10 mínútur.

4. Sjóðið á meðan spagetti samkvæmt leiðbeiningum á pakka.

5. Berið kjötbollurnar fram með spagettí og auka parmesanosti eða öðrum rifnum og bragðsterkum osti.

Höfundur: Erna Sverrisdóttir