- +

Karamellukjúklingur

Innihald:
3 stk. kjúklingabringur
510 g BBQ sósa
1 dós ananassafi
4 stk. hvítlauksrif, marin
1 msk. engifer, rifið
100 g púðursykur
íslenskt smjör til steikingar

Aðferð:

Byrjið á því að skera bringurnar í passlega stóra bita.

Takið næst fram stóra skál og útbúið marineringuna. Í henni er BBQ sósa, ananassafi og hvítlauksrif ásamt engiferi, hunangi og púðursykri. Hrærið þessu vel saman og setjið kjúklinginn út í. Best er að láta kjúklinginn liggja í marineringunni í 2-4 klst. (í lokuðu íláti) inni í ísskáp fyrir eldun.

Steikið kjúklinginn þar til hann byrjar að brúnast og orðinn karamelliseraður.

Hellið sósunni þá yfir og leyfið þessu að malla í nokkrar mínútur til viðbótar á miðlungs hita. Berið fram með t.d. salati og kartöflugratíni með Óðals-Cheddar osti.

Höfundur: Tinna Alavis