Fylltar kalkúnabringur með villisveppaostasósu, rjómasoðinni seljurót og sætum kartöflum
Einfalt
- +

Fylltar kalkúnabringur með villisveppaostasósu, rjómasoðinni seljurót og sætum kartöflum

Kalkúnn
salt og pipar
1 kg kalkúnabringur
20 korn mulinn grænnpipar

Fylling
salt og pipar
20 g þurrkaðir villisveppir
100 g sveppir
1 msk. smjör
1 stk. villisveppaostur steyptur
1 stk. egg
2 dl brauðraspur
100 g pecanhnetur saxaðar

Villisveppaostasósa
250 g saxaðir sveppir
100 g fínt saxaður laukur
50 g smjör
3 dl kjúklingasoð (eða vatn og teningur)
1 stk. villisveppaostur steyptur
125 g rjómaostur með svörtum pipar
5 dl rjómi

Rjómasoðin seljurót og sætarkartöflur
salt og nýmulinn svartur pipar
400 g seljurót
300 g sætar kartöflur
2 tsk. þurrkað timjan
1 peli rjómi

Aðferð:

Kalkúnn aðferð:
Setjið villisveppina í bleyti í sjóðandi vatn. Látið standa i 15 mínútur, veiðið sveppina upp úr vatninu og saxið fínt ásamt sveppunum. Steikið sveppina á pönnu í smjörinu og setjið í skál. Rífið niður villisveppaostinn og blandið saman við kælda sveppina, setjið saman við restina af hráefnunum og hrærið vel saman. Skerið í hliðina á kalkúnabringunni svo að myndist vasi, setjið fyllinguna í með skeið og brúnið bringurnar á pönnu. Setjið á grind og kryddið með salti, pipar og grænum pipar. Steikið við 130°C á blæstri í 45-50 mínútur.

Sósa aðferð:
Steikið sveppina og laukinn í smjörinu, bætið við kjúklingasoðinu og rjómanum. Skerið ostinn í bita og bræðið í sósunni við vægan hita, þykkið að vild.

Sætar kartöflur aðferð:
Skerið seljurót og sætar kartöflur í teninga. Setjið í eldfast mót kryddið með timjan, salti og pipar. Hellið rjómanum yfir og bakið við 150°C í u.þ.b. 35 mínútur.

Höfundur: Árni Þór Arnórsson