- +

Ítalskar kjötbollur

Innihald:
1 bakki nautahakk
1 poki rifinn Mozzarella ostur frá Gott í matinn
1 pakki Ritz kex
1 stk. sítróna
2 stk. laukur
4 stk. hvítlauksrif
pastasósa
ítalskt panini krydd og Best á allt

Meðlæti
Nóg af rifnum osti, t.d. Parmesan, Primadonna eða Óðals Tindur
salat
pastasósa fyrir þá sem vilja

Aðferð:

Setjið nautahakkið í stóra skál og kryddið vel. Kreistið safann úr einni sítrónu yfir hakkið. Skerið laukinn og hvítlaukinn frekar smátt og bætið út í skálina. Brjótið Ritz kexið niður í mylsnu og setjið saman við ásamt einum poka af mozzarella osti.

Hnoðið öllu vel saman og mótið litlar bollur. Steikið á miðlungs hita þar til þær eru farnar að brúnast vel. Ítölsku sósunni má hella yfir bollurnar rétt í lokin eða hafa hana til hliðar. Berið fram með nóg af rifnum parmesan osti og góðu salati.

Hakkbollurnar eru ekki síðri daginn eftir. Þá er hægt að sjóða pasta og hafa með þeim. Einnig er lítið mál að frysta þær og taka út þegar hentar.

Höfundur: Tinna Alavis