- +

Ekta vínarsnitsel frá grunni og bakaðar perur

Snitsel:
2⅕ kg kálfakjöt
hveiti
6 stk. egg
brauðmylsna
hvítlaukskrydd
salt og pipar

Bakaðar perur:
5 stk. stórar perur
½ stk. blámygluostur, t.d. Dala Ljótur
4 msk. góð jómfrúarolía
50 g valhnetur
salt og pipar
smá steinselja, smátt skorin

Aðferð:

Fyrir 10 manns.

 

Fletjið kálfakjötið út og berjið með hamri.

Saltið og piprið.

Veltið kjötinu upp úr hveiti, svo eggjablöndu og heimagerðri brauðmylsnu eða tilbúinni.

Svo er að undirbúa perurnar. Fyrst eru þær flysjaðar, skornar í tvennt, síðan velt upp úr góðri jómfrúarolíu og þá sett salt og pipar yfir þær. Kjarninn er fjarlægður og í staðinn komið fyrir góðum bita af blámygluosti.

Perurnar eru bakaðar í ofni í 35 mínútur við 180°C hita.

Þegar perurnar eru tilbúnar eru þær skreyttar með ristuðum valhnetum og smátt skorinni steinselju.

Steikið kjötið í smjöri við miðlungshita í 2-3 mínútur á hvorri hlið og setjið í 150°C heitan ofn í 10 mínútur.

Berið fram með heimatilbúnu krydd- eða hvítlaukssmjöri að eigin vali - sjá uppskriftir hér.

 

Höfundur: Ragnar Freyr Ingvarsson