Vanilluskyrterta með piparkökubotni | gottimatinn.is
Vanilluskyrterta með piparkökubotni
Einfalt
- +

Vanilluskyrterta með piparkökubotni

Botn
200 g piparkökur
100 g smjör, bráðið

Skyrterta
500 g vanilluskyr
¼ l rjómi, þeyttur
2 msk flórsykur

Toppur
Þeyttur rjómi og piparkökur til skrauts

Aðferð:
Setjið piparkökur í matvinnsluvél og hakkið þar til piparkökurnar verða fínmalaðar. Bræðið smjör og blandið því saman við, hrærið þar til smjörið hefur bleytt vel upp í piparkökunum. Setjið piparkökublönduna í meðalstórt form og þrýstið vel niður og upp á hliðar formsins. Gott er að nota botninn á glasi til þess að þrýsta piparkökublöndunni niður og upp á hliðarnar. Geymið í kæli á meðan þið undirbúið skyrblönduna.

Þeytið rjóma og blandið saman við skyrið með sleif. Blandið flórsykri saman við og hrærið þar til blandan er orðið mjúk og slétt. Hellið skyrblöndunni yfir botninn og sléttið vel úr. Gott er að skreyta kökuna með þeyttum rjóma og piparkökum. Geymið kökuna í kæli þar til hún er borin fram. 

Höfundur: Thelma Þorbergsdóttir