- +

Þriggja hæða kalkúnasamloka með Óðals Havarti krydd

Innihald:
3 sneiðar gróft brauð
150 g þunnt sneiddur eldaður kalkúnn (líka hægt að nota eldaða kjúklingabringu)
Smjör til steikingar
4 sneiðar Óðals Havarti krydd (4-6 sneiðar)
2 msk. hreinn rjómaostur frá Gott í matinn
Sætt sinnep
1 góð matskeið hindberjasulta
Góð lúka klettasalat

Aðferð:

Byrjið á að rista brauðið. Sneiðið kalkúninn í þunnar sneiðar. Hitið pönnu með örlitlu smjöri og steikið kalkúnasneiðarnar í stutta stund þannig að þær hitni í gegn. Leggið því næst ostsneiðar ofan á kalkúninn, setjið lok á pönnuna þannig að osturinn bráðni og takið af hitanum.

Smyrjið allar brauðsneiðar öðru megin með rjómaosti, leggið kalkún ofan á eina brauðsneið, því næst þunnt lag af sinnepi og klettasalat. Smyrjið hindberjasultu neðan á eina brauðsneið og leggið ofan á.

Endurtakið leikinn með efri samlokuna. Stingið pinnum í samlokuna á tveimur stöðum og skerið í tvennt þannig að úr verði tveir þríhyrningar. Berið fram strax.

Höfundur: Helena Gunnarsdóttir