Svína purusteik | gottimatinn.is
- +

Svína purusteik

Innihald:
1 stk svínasíða
3 stk lárviðarlauf
1 msk piparkorn
1 stk laukur, skorinn gróft
2 stk teningar af svínakjötskrafti eða 2 msk svínakraftur
Flögusalt, t.d. gott sjávarsalt

Aðferð:

1. Setjið kjötið í stóran pott ásamt lárviðarlaufum, piparkornum, lauk og kjötkraftinum. Hellið vatni yfir þannig að rétt fljóti yfir kjötið.
2. Setjið á eldavél og kveikið undir, hleypið suðunni rólega upp (ég nota stillingu 7 af 10). Þegar suðan er komin, lækkið þá vel undir og leyfið kjötinu að malla við vægan hita í um 40 mínútur.
3. Hitið ofn í 240 gráður, gjarnan með blæstri.
4. Takið kjötið úr pottinum og leggið í fat, puruhliðina upp, leyfið aðeins að rjúka úr því og þerrið með eldhúspappír. Ef það er búið að skera í kjötið, farið þá aftur í rifurnar með beittum hníf, gerið jafnvel fleiri rendur og skerið vel alveg niður að kjötinu. Nuddið svo vel af salti á puruna, og passið að fara vel ofan í rifurnar en líka að hafa salt ofan á skinninu.
5. Setjið inn í ofn og látið puruna stökkna og 'poppast'. Þetta getur tekið 20-40 mínútur. Fylgist vel með kjötinu.

Skreytið e.t.v. með lárviðarlaufnum og berið fram með sinnepsrjómasósu og hunangsristuðum rósmarín kartöflum

Höfundur: Helena Gunnarsdóttir