Súkkulaðiostakaka | gottimatinn.is
- +

Súkkulaðiostakaka

Botn
24 stk Oreo kexkökur
1 msk sykur
60 g smjör, bráðið

Ostakaka
800 g rjómaostur, við stofuhita
250 g sykur
30 g kakó
4 stk egg
300 g dökkt suðusúkkulaði, bráðið

Toppur
140 ml rjómi
250 g dökkt suðusúkkulaði
1 msk síróp
70 g salthnetur

Aðferð
Hitið ofninn í 170 gráður og hafið tilbúið hringlaga bökunarmót u.þ.b. 23 cm að stærð.

Botn
Setjið Oreo kexkökur og sykur í matvinnsluvél og hakkið þar til kexið er orðið fínmalað. Bræðið smjör og hellið því saman við og látið matvinnsluvélina vinna þar til smjörið hefur bleytt vel upp í kexinu. Setjið kexblönduna í bökunarmótið og þrýstið því vel niður og aðeins upp á hliðar formsins. Gott er að nota botninn á glasi til þess að þrýsta kexblöndunni vel niður. Bakið botninn í 10 mínútur. Takið bökunarformið út og kælið á meðan þið undirbúið ostakökuna.

Súkkulaðiostakaka
Setjið rjómaost, sykur og kakó í matvinnsluvél og látið hana vinna þar til blandan er orðið slétt og fín. Skafið hliðarnar á skálinni vel svo allt blandist vel saman. Setjið eggin saman við, eitt í einu og hrærið léttilega á milli. Bræðið súkkulaði yfir vatnsbaði, hellið því saman við ostablönduna og hrærið þar til allt hefur náð að blandast vel saman. Fyrir ykkur sem eigið ekki matvinnsluvél er hægt að nota blandara eða hrærivél. Hellið blöndunni yfir Oreo kexbotninn. Bakið í 1 klst eða þar til toppurinn á kökunni virðist vera fullbakaður. Takið kökuna út úr ofninum og leyfið henni að kólna í rúmar 15 mínútur. Gott er að taka hníf og renna honum meðfram kökunni svo hún losni aðeins frá bökunarmótinu. Kælið kökuna inn í ísskáp í um 6 klst. eða yfir nótt í bökunarforminu.

Toppur
Setjið rjóma, súkkulaði og síróp saman í pott yfir meðalháum hita og hrærið þar til súkkulaðið hefur náð að bráðna alveg og blandan er orðin mjúk og slétt. Kælið súkkulaðiblönduna í rúmar 10-15 mínútur áður en þið hellið henni yfir kökuna. Setjið súkkulaðið ofan á kökuna og passið að það fari ekki alveg út á brúnir kökunnar svo það leki ekki niður, gott er að setja súkkulaðið ofan á kökuna á meðan hún er enn í bökunarforminu. Grófsaxið salthnetur og dreifið þeim yfir súkkulaðið. Kælið kökuna í 1 klst. Takið kökuna út, rennið hníf meðfram kökunni og takið hana varlega úr forminu og setjið á kökudisk. Látið kökuna standa í allavega 30 mínútur við stofuhita áður en hún er borin fram. Gott er að bera kökuna fram með þeyttum rjóma. Kakan er þung og þykk í sér og líkist helst franski súkkulaðiköku með ostabragði. 

Höfundur: Thelma Þorbergsdóttir