Sætar kartöflukrókettur með engiferi | gottimatinn.is
- +

Sætar kartöflukrókettur með engiferi

Krókettur innihald:
800 g sætar kartöflur, afhýddar og skornar í litla teninga
2 stk laukar, meðalstórir, saxaðir
½ tsk salt
2 msk smjör
1 tsk engiferrót, fínrifin
½ ds dós (90 g) sýrður rjómi 18%
5 msk hveiti
2 stk egg, léttþeytt
200 g heslihnetuflögu

Aðferð:

Krókettur aðferð:
Hitið ofninn í 200˚C. Setjið kartöflubitana og lauk í eldafast mót. Setjið smjörið í litlum klípum yfir grænmetið. Saltið og piprið. Bakið í 30–40  mínútur eða þar til að kartöflurnar verða mjúkar. Stappið kartöflunar og laukinn. Bætið engiferi og sýrðum rjóma saman við. Kælið í einn tíma. Búið til litla stauta sem eru um  8 cm á lengd og 1 cm á þykkt. Veltið stautunum upp úr hveiti og síðan úr léttþeyttu eggi. Að lokum er kartöflustautunum velt upp úr heslihnetuflögum.

Hitið ofninn í 200˚C. Bakið króketturnar í 25 mínútur rétt áður en þær eru bornar fram.

Höfundur: Inga Elsa Bergþórsdóttir