| gottimatinn.is
- +

Reyktur lax með graslaukspannacotta og sýrðu hvítkáli

Innihald
salt og nýmulinn svartur pipar
16 sneiðar reyktur lax (16-20)
3 dl rjómi
2 blöð matarlím
1 dl ab-mjólk
1 dl sýrður rjómi 18%
2 msk saxaður graslaukur
1 msk fínt saxaður laukur

Sýrt hvítkál
safi og börkur af 1/2 sítrónu
salt og nýmulinn svartur pipar
200 gr hvítkál
50 gr laukur
2 msk saxaður graslaukur
2 msk ólífuolía
1 msk hlynsíróp

Aðferð:

Reyktur lax aðferð:

Klæðið lítil form eða kaffibolla með plastfilmu og klæðið svo með laxi. Setjið matalím í bleyti í kalt vatn hitið 3 dl af rjóma. Takið af hitanum og leysið matarlímið upp í rjómanum. Kryddið með salti og nýmuldum svörtum pipar. Bætið í ab mjólk og sýrðum rjóma að lokum stráið graslauk og lauk út i.
Hellið blöndunni í bollana og látið stífna minnst 4 tíma (Gott að laga daginn áður)
Sýrt hvítkál aðferð: 

Skerið hvítkálið í fína strimla, saxið laukinn blandið saman við olíu hlynsíróp og safa og börk af sítrónunni kryddið með salti og pipar.

Höfundur: Árni Þór Arnórsson