
Parmesan kex og ídýfa
Parmesankex
250 g hveiti
20 g rifinn parmesanostur
1 tsk Maldon salt
Cayennepipar á hnífsoddi
1 stk egg
30 g smjör
175 ml mjólk
Tómatídýfa
2 msk ólívuolía
2 stk rifin hvítlauksrif
1 ds niðursoðnir tómatar
salt og svartur pipar
mozzarellakúla
rifin basilíka
Fetamauk
200 g hreinn fetaostur
1 tsk fínt rifinn sítrónubörkur
2 tsk ferskur sítrónusafi
½ stk hvítlauksrif, marið
2 msk ólívuolía
Peru-, engifer- og chilímauk
4 stk perur, afhýddar og skornar í litla bita
3 cm ferskur engifer, rifinn á rifjárni
1 stk rautt chilí, fræhreinsað og skorið í tvennt
1 stk laukur, fínt skorinn
3 msk ferkst kóríander, saxað
1 tsk ristuð kóríanderfræ
2½ dl epla- eða hvítvínsedik
100 g púðursykur
100 g sykur
salt og svartur pipar
Frá Höllu Báru og Gunnari á www.homeanddelicious.com
Parmesankex
Hitið ofn í 200 gráður. Hrærið saman þurrefnin og blandið þá eggi, smjöri og mjólk saman við. Hnoðið, gott að gera í hrærivél.
Skiptið deiginu í litla bita og fletjið hvern bita út mjög þunnt á hveitistráðu borði. Leggið á bökunarpappír. Bakið í nokkrar mínútur þar til kexið fær á sig örlítið gullin blæ. Berið fram með ídýfunum sem einnig eru uppskriftir að á spjaldinu.
*Margbreytileg uppskrift að kexi sem gengur með svo ótal mörgu. Hér má bæta í deigið kryddjurtum, öðrum osti, ristuðum fræjum eða cúmín-fræjum svo eitthvað sé nefnt. Einnig má leika sér með stærðina.
Tómatídýfa
Klassísk ídýfa til að hafa með kexinu
Hitið olíuna í potti. Mýkið hvítlaukinn en varlega svo hann brúnist ekki. Hellið tómötunum saman við og hrærið, smakkið til með salti og pipar. Setjið í eldfast mót og rífið mosarellaostinn yfir. Stingið í ofn eða þar til osturinn er bráðinn. Stráið rifinni basilíku yfir áður en borið fram.
Fetamauk
Þessi hentar mjög vel með og flott að bera báðar ídýfurnar fram með kexinuSetjið allt hráefnið í matvinnsluvél og maukið vel saman. Berið fram með tómataídýfunni.
Peru-, engifer- og chilímauk
Til að fullkomna samsetninguna þá ætti ekki að sleppa þessu mauki
Setjið allt hráefnið saman í pott, hrærið og látið suðuna koma upp. Lækkið hitann og látið maukið malla í 30 mínútur.
Fjarlægið chilíið úr blöndunni ef þið viljið áður en maukið er maukað betur með töfrasprota eða sett í matvinnsluvél. Ekki mauka það mikið að það verði sem barnamauk, leyfið grófleikanum að halda sér. Smakkið til með salti og pipar.
*Maukið er gott með kjúklingi og á samlokur svo dæmi sé tekið.
**Þetta mauk fer einstaklega vel með bræddum ostum. Eina sem þarf að gera er að vefja hvítmygluost með hráskinku og stinga aðeins í heitan ofn eða þar til osturinn er heitur og mjúkur að innan.
Höfundur: Halla Bára Gestsdóttir og Gunnar Sverrisson