| gottimatinn.is
- +

Laxakörfur

Körfur 15 stk
ólífuolía til pennslunar
15 franskbrauðssneiðar

Fylling
salt og pipar
100 gr reyktur lax, skorinn í fína strimla
½ ds mascarponeostur
½ ds grísk jógúrt eða 1 ds sýrður rjómi
1 tsk fínt rifinn sítrónubörkur
½ tsk sítrónusafi
2 vorlaukar fínt saxaðir, eða sambærilegt magn af graslauk, geymið 1/2 matskeið til skreytingar

Aðferð:

Hitið ofninn í 180°C. Notið glas eða málmhring sem er u.þ.b. 7 cm í þvermál til þess að skera kringlóttar sneiðar innan úr brauðsneiðunum. Fletjið sneiðarnar með kökukefli og penslið þær með olíu. Þrýstið þeim niður í lítil mót sem búið er að pensla með olíu. Tilvalið er að nota kökumót fyrir litlar múffur. Bakið í 9–11 mínútur, eða þar til brauðið hefur tekið á sig gylltan lit. Látið kólna. Hrærið saman mascarpone-ost, gríska jógúrt, laxi, sítrónubörk, sítrónusafa og vorlauk. Saltið og piprið. Setjið fyllinguna í körfurnar. Hentugt er að nota sprautupoka með breiðum stút til þess. Dreifið vorlauk yfir til skreytingar.

Höfundur: Inga Elsa Bergþórsdóttir